КР Финансы министрлигине караштуу Финансылык чалгындоо мамлекеттик кызматы Израил мамлекетинде терроризмге каршы күрөшүү боюнча эл аралык семинарга катышты
2025-жылдын 3-7-ноябрында Израил мамлекетинин Тель-Авив жана Иерусалим шаарларында "Терроризмге каршы күрөшүүнүн технологиялык, криминалисттик жана укуктук аспектилери" темасында эл аралык семинар болуп өттү.
Иш-чара Израилдин тышкы иштер министрлиги тарабынан БУУнун Баңгизаттар жана кылмыштуулук боюнча башкармалыгы (БУУ БКБ) менен биргеликте уюштурулган.
Семинардын негизги максаттары жана милдеттери терроризмди каржылоого каршы күрөшүү боюнча тажрыйба алмашуу, катышуучуларды терроризмге каршы күрөштө колдонулуучу заманбап технологиялык жана криминалистикалык ыкмалар менен тааныштыруу, ошондой эле ар кайсы өлкөлөрдүн мамлекеттик органдарынын өз ара кызматташуусунун натыйжалуулугун жогорулатуу болду.
Кыргызстан тараптан катышуунун негизги максаттары болуп ККЛ/ТК багытында адистердин квалификациясын жогорулатуу, ошондой эле ККЛ/ТК практикалык чөйрөсүндө тажрыйба алуу жана тажрыйба алмашуу болду.
Семинардын программасынын алкагында терроризмди каржылоо, киберкылмыштуулук, анын ичинде маалыматтарды чогултуу жана иштеп чыгуу, ошондой эле уюшкан кылмыштуу топторго каршы күрөшүү маселелери талкууланды. Кыргыз Республикасынын өкүлдөрүнүн катышуусунун жыйынтыгы боюнча төмөнкүдөй натыйжаларга жетишилди: катышуучулар ККЛ/ТК каршы аракеттенүүнүн заманбап ыкмалары менен таанышышты, бул жааттагы ченемдик талаптар жана эл аралык стандарттар жөнүндө билим алышты, ошондой эле тажрыйба алмашуу жана терроризмди каржылоого каршы аракеттенүү жаатындагы биргелешкен демилгелер үчүн байланыштарды түзүштү.