Минск шаарында өткөн ЕАТ Пленардык жумалыгынын алкагында Кыргыз Республикасынын ФЧМК жана БАЭнин NAMLCFTC ортосунда эки тараптуу жолугушуу болуп өттү

2025-жылдын 27-ноябрында Беларусь Республикасынын Минск шаарында өтүп жаткан Евразиялык топтун (ЕАТ) Пленардык жумалыгынын алкагында Кыргыз Республикасынын ФЧМКнын төрагасынын орун басары Б.А. Алишеров менен Бириккен Араб Эмираттарынын Акча адалдоого, терроризмди жана мыйзамсыз уюмдарды каржылоого каршы күрөшүү боюнча Улуттук комитетинин (NAMLCFTC) Стратегиялык өнөктөштүк бөлүмүнүн жетекчиси Абдурахман Аль Нуайми мырзанын эки тараптуу жолугушуусу болуп өттү.

Жолугушууда Кыргызстанды ЕАТтын өз ара баалоонун үчүнчү раундуна даярдануу процессинде БАЭ тарабынан техникалык жардам көрсөтүү маселелери талкууланды. Эмираттык делегация Кыргызстанга ар тараптуу колдоо көрсөтүүгө даяр экендигин, зарыл болгон учурда программалык камсыздоо, жабдуулар жана башка ресурстар менен камсыз кылуу мүмкүнчүлүгүн баса белгиледи.

Ошондой эле Абдурахман Аль Нуайми мырза, NAMLCFTC БАЭнин Башкы катчысы Улуу даражалуу Хамид Аль Заабинин 2025-жылдын 4-декабрында Бишкек шаарында өтө турган Техникалык жардамды координациялоо боюнча жолугушууга катышуусу пландалып жатканын маалымдады.

БАЭ менен болгон кызматташтык жана тажрыйба алмашуу Кыргыз Республикасы үчүн стратегиялык мааниге ээ, себеби ЕАТ жана МЕНАФАТФ алкагындагы өз ара баалоонун кезектеги раунддары 2026–2027-жылдары эки өлкө үчүн тең параллелдүү өтөт.