ПРЕСС-РЕЛИЗ Кыргыз Республикасынын окуучуларынын Финансылык коопсуздук боюнча V Эл аралык Олимпиадага катышуусунун жыйынтыгы боюнча

Кыргыз Республикасынын окуучуларынын Финансылык коопсуздук боюнча V Эл аралык Олимпиадага катышуусунун жыйынтыгы боюнча

Красноярск 2025-жылдын 29-сентябры – 3-октябры

2025-жылдын 29-сентябрынан 3-октябрына чейин Красноярск шаарында финансылык коопсуздук боюнча V Эл аралык олимпиаданын финалы болуп өттү. Юбилейлик олимпиадага Кыргыз Республикасынын атынан биринчи жолу борбор калаанын мектептеринин 4 окуучусу - 10 жана 11-класстын окуучулары катышты.

Финансылык коопсуздук боюнча эл аралык олимпиада 2021-жылдан бери өткөрүлүп келет. Быйыл Кыргыз Республикасы биринчи жолу борбор калаанын мектептеринин 4 окуучусун бул Олимпиадага катышууга жөнөттү. Окуучулар Бишкек шаарынын мектеп окуучулары үчүн финансылык коопсуздук боюнча республикалык олимпиаданын пилоттук долбоорунун жыйынтыгы боюнча тандалды.

Россия Федерациясынын Өкмөтүнүн төрагасынын орун басары Дмитрий Чернышенко Олимпиаданын ачылышындагы куттуктоо сөзүндө олимпиаданын тандоо этаптарына 60 миңден ашуун адам катышканын жана Олимпиада чыныгы эл аралык иш-чарага айланганын белгиледи:

«40 өлкөдөн келген конокторду жана катышуучуларды куттуктайм. Бул эл аралык кыймылдын 6 миллиондон ашуун катышуучусу бар. Олимпиада - бул биздин жаштарга мүмкүнчүлүктөрүбүздү жана таланттарыбызды көрсөтүү үчүн эң сонун мүмкүнчүлүк».

Кыргыз Республикасынын Финансы министрлигинин алдындагы Финансылык чалгындоо мамлекеттик кызматынын төрагасы Канат Асангулов иш-чаранын ачылышында сүйлөгөн сөзүндө Олимпиаданы финансылык коопсуздук жаатында кадрдык потенциалды калыптандыруу үчүн өткөрүүнүн маанилүүлүгүн белгиледи:

«Биздин алдыбызда ар дайым болуп келген жана болуп жаткан милдет - эмгек рыногунда талап кылынган, бардык керектүү компетенцияларга ээ жана финансылык коопсуздуктун дайыма өзгөрүп турган дүйнөсүндө багыт ала турган адистердин жаңы муунун өстүрүү. Бүгүн бул залда эң мыкты жаштар чогулду, бул сөздү айтуудан коркпойм, финансылык коопсуздук тармагындагы эксперттер, алар бир-эки жылдан кийин дүйнөлүк коопсуздукту коргоого даяр. Ал эми биздин милдетибиз - муун-муундун алмашуусуна шарт түзүү жана өз тажрыйбабызды жаштарга өткөрүп берүү».

Өзүнүн саламдашуу сөзүндө Росфинмониторингдин директору Юрий Чиханчин жаштардын жана эксперттик коомчулуктун Эл аралык олимпиадага болгон кызыгуусу өсүп жатканын белгиледи:

«Финалдык жуманын иш-чараларына 1100дөн ашуун адам катышты, анын ичинде 600гө жакын мектеп окуучулары жана студенттер жана 500 эксперт катышты. Бардыгы болуп 5 күндүн ичинде 100дөн ашуун иш-чаралар өткөрүлдү. "Быйылкы Олимпиаданын негизги темасы кылмышкерлер жана аларга каршы чыккандар тарабынан колдонулуучу жаңы технологиялар болду»

Кыргыз Республикасынын командасы жогорку упай топтоп, финансылык коопсуздук жаатында терең билимин көрсөттү. Ошентип, Байсалов Руслан, Бишкек шаарынын 1-окуучусу КМШ өлкөлөрүнүн окуучуларынын арасында 1-орунду ээлеп, эстелик сыйлык - ноутбук менен сыйланган.

Олимпиада жумалыгынын алкагында мектеп окуучулары ар кандай иш-чараларга, дискуссияларга жана мастер-класстарга катышты. Ошентип, окуучулар Россия Федерациясынын мамлекеттик ишмери П.А.Астахов менен жолугушуп, Россия Федерациясысынын алдыңкы университеттеринин жана Олимпиаданын индустриалдык өнөктөштөрүнүн мастер-класстарынын алкагында финансылык коопсуздук жаатындагы билимин көрсөтүштү, ар кайсы өлкөлөрдүн катышуучулары менен "Байрактагы Олимпиада" спорттук мелдештеринде жана фестивалында таанышышты, ошондой эле шахмат боюнча фиджитал-турнирде жеңишке жетишти. Байсалов Руслан менен Ильясов Нуралим финалда Россия Федерациясынын гроссмейстери - Сергей Карякин менен беттешти.

Олимпиадага катышууга даярдык көрүү үчүн Кыргыз Республикасынын окуучулары 2025-жылдын 2-июлунан 13-июлуна чейин финансылык коопсуздук боюнча эл аралык жайкы мектептин базасында даярдыктан өтүштү. Иш-чара Сибир федералдык университетинин (СФУ) базасында өтүп, Орусиядан, Казакстандан, Кыргызстандан, Тажикстандан жана Өзбекстандан келген 56 окуучуну бириктирди. Мектептин негизги максаты финансылык, экономикалык жана маалыматтык коопсуздук жаатында катышуучулардын билимдерин тереңдетүү жана комплекстүү дисциплиналар аралык окутууга багытталган уникалдуу билим берүү чөйрөсүн түзүү болду.

Кыргыз Республикасынын мектеп окуучуларынын финансылык коопсуздук боюнча эл аралык олимпиаданын иш-чараларына катышуусу Кыргыз Республикасынын калкынын финансылык коопсуздук чөйрөсүндөгү мыйзамсыз иш-аракеттерге, акчаны адалдоого жана терроризмди каржылоого катышуу коркунучу жөнүндө маалымдуулугун жогорулатуунун маанилүү компоненти болуп саналат.